Ano ang Payroll Cutoff? Paliwanag sa Semi-Monthly na Payroll

Ang payroll cutoff ay ang huling araw ng panahon ng trabaho na isinasama sa isang payroll. Sa Pilipinas, karamihan ng maliliit na negosyo ay semi-monthly magpasahod, kaya dalawa ang cutoff kada buwan: isa para sa mga araw 1 hanggang 15 at isa para sa 16 hanggang katapusan. Ang oras, absent at overtime pagkatapos ng cutoff ay mapupunta sa susunod na payroll.
Gaano kadalas dapat magpasahod?
Ayon sa Article 103 ng Labor Code, dapat magpasahod kahit isang beses kada dalawang linggo o dalawang beses kada buwan, na hindi lalampas sa 16 na araw ang pagitan. Kaya karaniwan ang semi-monthly na payroll tuwing 15 at 30.
Dalawang karaniwang iskedyul
| Iskedyul | Saklaw na araw | Araw ng sahod |
|---|---|---|
| Parehong panahon | 1 – 15 | 15 |
| 16 – katapusan | 30 o huling araw | |
| May processing lag | 26 – 10 | 15 |
| 11 – 25 | 30 o huling araw |
Ang ilang araw na pagitan ng cutoff at sahod ay nagbibigay ng oras para kolektahin ang time record, aprubahan ang overtime at kuwentahin ang payroll nang hindi nanghuhula. Anuman ang piliin, panatilihin itong pareho kada buwan.
Ano ang ginagawa sa bawat cutoff
- Isara ang time record (DTR o biometrics) ng panahon.
- Bilangin ang araw na pumasok, absent, late at undertime, overtime, oras sa gabi at holiday.
- Kuwentahin ang gross pay, government contributions at withholding tax ng bawat empleyado.
- Ibigay ang sahod at ang payslip ng bawat empleyado.
Paano ang contributions sa semi-monthly na payroll
Buwanan ang SSS, PhilHealth at Pag-IBIG. Sa semi-monthly, puwedeng kalahati ng share ng empleyado ang kaltasin kada cutoff, o buo sa isang cutoff (kadalasan sa ikalawa). Parehong tama basta buo ang nakaltas at na-remit sa buwan. Ang withholding tax ay kinukuwenta kada cutoff gamit ang semi-monthly na tax table.
Tapusin ang bawat cutoff sa isang run
Attendance papasok, payslip palabas, at handa na ang total ng remittance ng buwan, para sa buong team.
Mga madalas itanong
- Paano kung holiday o weekend ang araw ng sahod?
- Karamihan ng employer ay nagpapasahod sa huling araw ng trabaho bago nito, para hindi ma-late ang sahod.
- Puwede bang lingguhan ang sahod?
- Oo. Pasok ito sa “kahit isang beses kada dalawang linggo”. Mas maraming payroll run lang at weekly na tax table ang gagamitin.
- Sumusunod ba sa cutoff ang 13th month pay?
- Hindi. Hiwalay itong bayad na dapat maibigay bago ang December 24. Basahin ang paano kuwentahin ang 13th month pay.